| 神婆好多個月都無入0黎了﹐事關公司真係鬼死0甘多0野做﹐呢個又關神婆事﹐0個個又話要神婆做﹐所以上兩個星期放0左假返屋企﹐當然唔放過任何機會去玩﹐去0左New York, Quebec city﹐Seattle同Vancouver啦當然﹐好開心呀﹐係0甘食食食﹐買買買﹗十年前神婆好唔鍾意NY﹐而家鍾意死了﹐買0野唔睇價錢﹐洗美金有如洗港紙﹐開心到爆~買0左好多0野﹐大家去facebook睇咯(呢個都係0係0個邊玩先開﹐香港真係忙到爆)。 返0黎之後呢個星期﹐一返0黎又忙個不停﹐真係人都癲﹐又ipo﹐呢個又話要收購﹐0個個又話要停牌配股﹐跟住又要安排出trip﹐又話玩調位﹐真係有無0甘多0野呀﹗不過0尋晚去0左Ocean Park Halloween﹐好好玩呀﹐玩得好開心﹐不過整唔見0左神婆最鍾意0既Alta charm﹐真係唔知點解﹐個扣勁實﹐但都可以唔見﹐但同事們好好﹐話送返個俾神婆﹐劉皇帝仲要話送兩個哈哈﹗tam神婆開心﹐真係多謝多謝﹗:..)當係破財擋災咯﹐神婆0係NY買﹐買完又去Seattle換﹐換完返0黎帶0左幾日就唔見0左﹐真係係你0既就係你0既﹐唔係你0既就幾實0既扣都會丟0左去咯~~ |
| |
| 成個月無入過0黎了﹐考完試之後又係忙公司忙玩﹐現在可以玩到工都唔想返﹐真係好唔prof.﹐其實係做到唔想做﹗當然亦有好多原因令神婆唔想再返﹐朋友說神婆應該要去好好放假﹐但現在無咩公眾假期﹐自己(手)羅假又好唔抵﹐所以一直無放過﹗但神婆還算積極﹐亦決定每星期要發一些應該發的電郵﹐不能再待在這間公司了﹗ 有些同事說﹐神婆走了會很悶﹐神婆會說﹐神婆不走﹐將會被整死﹗一個是暗藏殺刀﹐不斷地整神婆這條team﹐另一位好似無0野﹐對神婆好像還不錯﹐實質上神婆相信他有份做這些壞事﹗講就講到自己很無辜﹐神婆實在不能相信一些maak大眼講大話的人﹗因此亦很無意思﹐從support institutional sales﹐而家變成support 大散戶﹐那跟以前有咩分別﹖institutional sales又無客﹐support0的咩﹖support散戶又何需要fundamental﹖反正就是做到一肚氣﹗一些你相信的人會出賣你(可能神婆太容易相信人)﹐一些有心做事的人﹐只會看見他一日比一日無心機﹐走的都走了﹗因此不想上班﹐只想放假﹗老是做些人家掉出來的無聊事﹐花時間花氣力就已經很想遞上大信封一張﹗幸好有位好好的老闆﹐如果不是﹐真的早就走了﹗不過還是一肚氣﹗終有一天要給他們難看﹗ |
| |
| 明天又到一年一度0既CFA盛事﹐神婆自問有無努力過﹐有﹐但真係好累了﹗真係好多謝身邊朋友仔同事們0既MSN﹐SMS﹐E-mail﹐各種不同0既祝福﹗神婆真係好窩心好感動﹗ :...) 你0地0既支持神婆完全收到晒﹐唔好意思0既係﹐你0地要留到下年再講多次了﹐神婆自問無0甘好彩會pass﹐ pass就真係叫做無天理﹐讀又未讀晒﹐又點會pass呢﹖神婆亦因為有你0地0既支持﹐呢兩日都好盡力﹐不過﹐始終都係臨急抱佛腳﹐點讀都係讀唔切架喇﹗哈哈﹗好啦﹗下年再見啦﹗ |
| |
| 原來一個星期返三日工真係好正﹗星期六做mock﹐既然係咪都唔識﹐亂做之後十點九就走人去太古城行街﹐買0左好多0野﹐兩條裙一件衫﹐兩點返去考埋下晝﹐又再早走﹐點知歸家時0係apm諗住買grocery﹐買0下買0下又買多兩件衫﹐買得真係好開心呀~~~~~真係enjoy緊個holiday架﹗哈哈﹗ 今日再溫書﹐真係溫到想嘔﹗0的fixed income悶到嘔﹗好唔想讀﹗個friend話神婆你放0左假就唔好0甘啦﹐神婆依然係好hei﹐亦睇得好開﹐哈哈﹗fail咋嘛﹐無咩大不了﹐根本無諗過會pass﹐實在點溫都係溫唔切﹐0甘點呢﹐只可以take it easy﹐同上年情況差不多﹐哈哈﹐甚至可能再差0的﹗哈哈﹗而家已經諗緊好無0黎緊個annual leave去整頭(少人嘛﹐唔晒逼)﹐哈哈﹗ |
| |
| 神婆好不容易放annual leave﹐但因為有事去0左中環一倘﹐係咪撞鬼呀﹗之後約0左前老細笨nut豬食飯﹐話要請佢食飯請0左好耐﹐而架先請到﹗去0左雪村﹐都唔錯﹗談話中當然係不斷講股票﹐神婆亦深知神婆真係走唔甩﹐真係要食呢行飯﹗只差在係滿足於現狀定仲想繼續向上爬﹖ 之後神婆梗係唔放過去shopping啦﹗一shop之下亦忘記0聽日其實有個mock exam﹐哈哈﹗真係當佢無到﹗ |
| |
